SHANTA GOLD YAPATA PONGEZI KUSIMAMIA LOCAL CONTENT

Na Mwandishi wetu Singida:
Waziri wa Madini Mhe. Doto Biteko ameeleza kuwa, Mgodi Mpya wa Kati wa Dhahabu wa Shanta ndio Mgodi pekee Tanzania unaotekeleza ipasavyo Matakwa ya Sheria ya matumizi kwa Jamii husika (Local Content).

Amesema hayo tarehe 30 Julai, 2021 baada ya kutembelea na kukagua Maendeleo ya Ujenzi wa Mgodi wa Kati wa Dhahabu wa Shanta Singida (SINGIDA GOLD MINE) ambao upo Wilaya ya Ikungi Mkoani Singida.

Amesema historia ya ujenzi wa Mgodi huo, kwa miaka mitano yote iliyopita Mgodi wa Shanta ndio Mgodi wa Kati mpya uliojengwa hapa Nchini kwa muda mfupi.

Akizungumzia kuhusu umuhimu wa Sheria ya Local content Waziri Biteko amesema katika uwekezaji inawahitaji Wawekezaji wakubwa, wa kati na wadogo ili kufanya uchumi uwe na maana.

“Kama biashara wafanye wenyeji, tulikuwa na Migodi ambayo hata nyama ilitoka South Africa, lakini Mgodi ambao mwaka huu tumewapa tuzo ya Local content, huu ndio mgodi ambao asilimia 100 ya walioajiriwa ni watanzania" ameeleza Biteko.

Aidha, ameipongeza kampuni ya uchimbaji Madini ya Shanta kwa kupiga hatua katika kusimamia Sheria hii ya Local Content na manunuzi ya bidhaa katika Migodi yao kwa asilimia kubwa ambao unategemea kuanza shughuli za uzalishaji wa Dhahabu Mwezi Novemba 2022.

Naye, Meneja Mkuu Mahusiano ya Serikali wa Mgodi wa Shanta,
Bwn, Philibert Rweyemamu amemueleza Waziri Biteko kuwa, wanashirikiana na uongozi wa Wilaya na Mkoa katika kutoa kipaumbele katika shughuli za maendeleo. Amesema wananchi wa Ikungi na Singida kwa ujumla wanapata ajira mbalimbali zinazotolewa na Mgodi huo pamoja na manunuzi ya bidhaa mbalimbali.

Pia, Meneja Mkuu Shanta Mradi wa Singida Jiten Divecha akisoma taarifa ya mgodi huo ameeleza kuwa, hadi sasa mgodi unawafanyakazi 117 sawa na asilimia 70 ambao wameajiriwa kutoka vijiji vinavyozunguka mgodi.

"Tumekamilisha vyumba vya madarasa ya shule ya Sekondari Mangonyi Shanta na madawati 183," amesema Divecha.


Kwa upande wake, Mkuu wa Mkoa wa Singida Binilith Mahenge ameipongeza Serikali kupitia wizara ya madini kwa mageuzi makubwa katika sekta ya madini hapa nchini. Amesema mageuzi ni mengi makubwa na utunzaji wa rasilimali madini.

“Shanta sina wasiwasi nao, sisi kama wasimamizi wa mkoa huu tutakuwa pamoja katika kusimamia mgodi huu katika kuimarisha usalama na niwahakikishie fanyeni kazi, hatutakuwa sehemu ya changamoto bali tutatatua changamoto zenu. Kuhusu miundombinu ya barabara na maji nitahakikisha kama Mkuu wa mkoa vinapatikana hapa,” ameongeza Mahenge.


Aidha, Mbunge wa Jimbo la Singida Mashariki Mhe. Miraji Mtaturu amemueleza waziri Biteko kuwa, Mgodi huo wa Shanta utachochea shughuli za uchumi kwa wananchi baada ya Mgodi kuanza kufanya kazi. Amesema yeye kama mwakilishi wa wananchi wa Singida Mashariki anatamani Mgodi uanze shughuli za uchimbaji haraka ili kurahisisha maendeleo.

Waziri Biteko amefanya ziara ya kutembelea Mgodi wa Marwa Marwa and Partiners, Kukagua shughuli za uchimbaji na kuzungumza na Wachimbaji Wadogo katika kijiji cha Sambalu kata ya Mangonyi wilaya ya Ikungi. Biteko amemuelekeza Mkuu wa Wilaya ya Ikungi Jery Muro na Afisa Madini Mkazi wa Mkoa wa Singida kuhakikisha wanafungua Vituo vya kununulia Dhahabu katika eneo la Mgodi ili kurahisisha wachimbaji wadogo kupata huduma kwa haraka.

#bazilMjungu #bazotvOnline

Comments

Post a Comment

Popular posts from this blog

WASIFU BINAFSI JINA KAMILI: REHEMA SOMBI OMARY

Image
        Rehema Sombi Omary Mgombea UBUNGE VITI MAALUMU UVCCM kutoka Mkoa wa Singida. *WASIFU BINAFSI* *JINA KAMILI*: REHEMA SOMBI OMARY Jinsia:Ke Uraia :Mtanzania Kuzaliwa:07,March 1994 Lugha:Swahili,Kiingereza Anuani:S.L.P 809, Singida,Tanzania Barua Pepe : omaryrehema31@gmail.com *ELIMU* - Shahada ya Sayansi katika Uuguzi -Chuo Kikuu cha Mtakatifu Yohana-Shahada ya Uuguzi -Bwiru Girls high School-Cheti cha Elimu ya Sekondari ya juu -Kipata Girls Islamic High School-Cheti cha Elimu ya Sekondari -Utemini Primary School-Cheti Cha Elimu ya Msingi   -Ummu Salama nursery school- Cheti Cha elimu ya awali *UZOEFU KITAALUMA* -Afisa Muuguzi kitengo cha ICU/CCU hospital ya Benjamin Mkapa-Dodoma (2019-2020)  -Mafunzo Tarajali katika hospital ya The Benjamin Mkapa-Dodoma (2018-2019) -Mafunzo kwa vitendo hospital ya Rufaa ya Dodoma( 2016-2017) -Mafunzo kwa vitendo hospital ya Rufaa ya Singida (2015-2016) -Mafunzo kwa vitendo kituo cha afya Makole-Dodoma (2014-2015)   *UZOEFU WA UONGOZI KITAAL
Read more

IJUE FAIDA YA MSTARI WA IKWETA KUWA KARIBU NA NCHI YAKO

Image
Na Musa Njoghomi Sehemu ya Kwanza. Ikweta(Equator) ni mstari unaoigawa dunia katikati na kutoa pande kuu mbili zinazolingana, ambazo ni ukanda wa kaskazini na ukanda wa kusini(Northern & Southern hemisphere) Kijiografia maeneo ya ukanda wa *Ikweta* ndio maeneo pekee yenye sifa za mvua nyingi,ardhi yenye rutuba & misitu mikubwa na ya kijani( Evergreen forest) hii ni kwasababu ya hali ya hewa inayopatikana katika ukanda huu( high temperature) with high evaporations. Kwetu sisi Tanzania mstari wa Ikweta umepita jirani yetu hapo nchini Kenya, hivyo tulipaswa kuwa na misitu mingi sana mithili ya Congo Forest. Nchi zilizopo Northern Pollar & Souther pollar haziwezi kuwa na miti mingi kwasababu ya nature ya hali ya hewa. Nchi za pollar regions huona jua kwa nadra sana sio sawa na sisi. hivyo wao kuwa misitu mingi kama sisi ni changamoto. Pia wanachangamoto za barafu eg, nchi kama Iceland,Newzealand etc Sisi tuliopo Ikweta/ Karibu na Ikweta ndio tunapaswa kuwa na wajibu wakukabili
Read more

MHE. ANTONY MAVUNDE KUFANIKISHA UJENZI WA UZIO SHULE YA SEKONDARI DODOMA

Image
Na Bazil Mjungu Dodoma: Mbunge wa Jimbo la Dodoma Mjini   Mhe. Anthony Mavunde ameahidi kufanikisha Ujenzi wa Uzio wa Shule ya Sekondari Dodoma kwa lengo la kuongeza Ulinzi kwa wanafunzi na mali za shule hiyo. Mbunge Mavunde ameyasema hayo leo Tarehe 29 October 2021 wakati wa hafla ya Mahafali ya kidato cha IV shuleni hapo kufuatia maombi yaliyowasilishwa na wanafunzi kupitia Risala iliyosomwa mbele yake. Mhe Mavunde amesema Atahakikisha analifanyia kazi swala hilo ikiwa ni yeye Mbunge na kwa kushirikiana na Wadau wa Elimu Lazima Miundombinu ya Shule zote Katika Jimbo la Dodoma Mjini zinakua zinaridhisha wakati wote. “ Nataka niwahakikishie Wanafunzi, Walimu na Wazazi kwamba tutamalizia ujenzi wa eneo la uzio lililobaki ili kulizungushia eneo lote la shule na uzio kwa madhumuni ya usalama wa wanafunzi na mali zote zilizopo shuleni tunashukuru kazi kubwa iliyofanywa na wanafunzi waliosoma hapa wakiongozwa na Mkurugenzi Mkuu wa TRC Ndg. Masanja Kadogosa kwa ujenzi wa uzio kwa awamu ya kw
Read more