MVUA YASABABISHA UHARIBIFU WA MASHAMBA YA KAYA 93 RORYA MARA

Na_Bazil Mjungu.
ROYRA MARA:
Mvua iliyoambatana na upepo mkali iliyo nyeesha Desemba 12/2019 katika Kitongoji cha Sang'ombe Kijiji cha Tatwe Kata ya Goribe Wilayani Rorya Mkoani Mara imesababisha maporomoko makubwa ya mawe na mmomonyoko mkubwa wa ardhi hali iliyopelekea kuharibika kwa mashamba ya Kaya zaidi ya 93.

Mbunge wa Jimbo la Rorya Mhe. Lameck Airo (CCM) alitembelea eneo hilo akiambatana na Mwenyekiti wa CCM Wilaya ya Rorya, Charles Ochele na viongozi wengine wa Serikali za Vijiji na Kata kufika katika eneo la tukio na ujionea uharibifu mkubwa Mashamba kusombwa na Maji yenye Mawe Makubwa yaliyosababisha kutokea kwa mto na bonde kubwa huku za zaidi ekari 20 za mazao ya wananchi kusombwa na maji na kuharibiwa na mamia ya mawe yaliyoporomoka kutoka zaidi ya km 2 kutoka eneo la Mashamba n Mlima uliko.

Akizungumza na wananchi wa Kijiji cha Tatwe Mhe. Lameck Airo ametoa pole kwa wananchi na kuonyesha kusikitishwa na tukio hilo ambalo limeacha maswali mengi na kuwashitua wananchi zaidi 93 kuharibiwa mazao katika kwa uharibifu ikiwemo baadhi ya Nyumba kupata nyufa kutokana na Maporomoko hayo.

"Tukio hili limetokea majira ya saa 11:00 jioni Desemba 12 na limeacha janga na hali ya wasiwasi baada ya kuporomoka kwa mawe makubwa na uharibifu wa ardhi amapo eneo hili limekuwa na mto mkubwa ambao unatiririsha maji hadi mto Chirya haya ni maajabu lakini tushukuru Mungu hayakulenga makazi ya wananchi tungeshuhudia mamia kupoteza maisha," alisema Mhe. Airo.

Mbunge Lameck Airo ameelezea kusikitishwa na tukio hilo na kushangazwa na Kamati ya Ulinzi na Usalama ya Wilaya ya Rorya ikiongozwa na Mkuu wa Wilaya hiyo Saimon Chacha na viongozi wa Halmashauri kushindwa kufika katika eneo hilo jambo ambalo limepelekea wananchi kuwasema vibaya viongozi wa Serukali kwani walipaswakufika kujionea athari kubwa ya maporomoko na uharibifu wa ardhi na mazao yao kusombwa na kufunikwa na mchanga. Mhe. Airo ameongeza kwa kuwaomba Wananchi kuwa na utulivu kwa kipindi hiki ambacho wanasubiria utaratibu wa Serikali na kamati ya Maafa ya Wilaya kufika kujionea tukio hilo.
"Nimepokea taarifa za tukio hili kwa mshituko na nilimtaalifu Mwenyekiti wa CCM Wilaya Ochele na Mwenyekiti wa CCM Mkoa wa Mara Samwel Kiboye ambapo hapa nimekuja na viongozi hawa wa Wilaya wa Chama na tunatoa pole ya Sh milioni 2.3 kwa Kaya tatu zilizoathiriwa na kujihifadhi kwa ma jirani huku kaya saba ambazo jumla yake kuzifanya kuwa Kaya kumi kuanza kupata huduma za chakula na malazi wakati tukisubiri wataalamu wa Halmashauri kufanya tathimini ya athari ya tukio hili.

Akikabidhi kiasi cha fedha hizo kwa Mwenyekiti wa Kijiji cha Tatwe, Julius Ochwachi, Mbunge Airo alifafanua kuwa yeye binafsi ametoa kiasi cha Sh Milioni moja, (1000,000/=) Mwenyekiti wa CCM Wilaya hiyo Ochele ametoa Sh 300,000/- na Mwabanchi mmoja aliyeguswa na tukio hilo kutoka Wilaya hiyo aliyefahamika kwa jina la Orwero kuchangia Sh milioni moja (1000,000/=).

Wakizungumzia katika eneo la tukio hilo baadhi ya waathirika wa tukio hilo, Kevin Chacha, Emmanuel Odworu, Rosemary Joseph walieleza kwa nyakati tofauti kuwa siku hiyo ilianza mvua majira ya saa 5:00 asubuhi ikanyesha kisha ikakata badae majira saa 11:00 jioni ikarejea mvua kubwa na kisha kusikika mliyo wa mlipuko mkubwa na kusikika kishindo cha mapolomoko ya maji, mawe na mchanga huku mvua ikiambatana na upepo mkali.

" Mvua hii iliwahi kutokea mwaka 1996 lakini haikuwa na madhara kama hii leo tumeshuhudia maafa na mazao kusombwa na mawe na mchanga na tumeshuhudia nyumba mbili zikianguka na ng'ommbe wawili wakisombwa ni jambo ambalo limetuweka katika wasiwasi mkubwa na kuhofia maisha yetu hivyo tunaomba wataalam waje kufanya utafiti kutambua kilichotokea ama kilichosababisha" Alisema Rosemary Joseph.

Mwenyekiti wa CCM Wilaya ya Rorya, Ochele alisema kwamba tukio hilo limewapa funzo na kuwa Wilaya hiyo ina viongozi wa Serikali wa aina gani kwa kushindwa kufika kujionea athari na uharibifu kwa wakati jambo ambalo watalikemea na kulisema kwa wahusika na kama Chama hawakufurahishwa na hali hiyo.

Kwa upande wake Mwenyekiti wa Kijiji cha Tatwe, Julius Ochwachi aliwashukuru Mbunge Airo na Mwenyekiti wa CCM Wilaya, Ochele kwa kufika na kutembelea eneo la tukio huku wakiguswa na kutoa msaada kwa waathirika kumi waliopoteza nyumba na mifugo yao huku wananchi wengine 83 wakiwa wameshuhudiwa wakipoteza mazao ya mahindi, mtama, ulezi, mihogo, viazi vitamu, mpunga na maharage katika maeneo mashamba yao zaidi ya ekari 20 huku mapolomoko hayo yakiwa na urefu wa km 2 kutoka eneo la tukio hadi mto Chirya.



:Picha Na Peter Fabian

#Bazotv


 

Comments

Post a Comment

Popular posts from this blog

IJUE FAIDA YA MSTARI WA IKWETA KUWA KARIBU NA NCHI YAKO

Image
Na Musa Njoghomi Sehemu ya Kwanza. Ikweta(Equator) ni mstari unaoigawa dunia katikati na kutoa pande kuu mbili zinazolingana, ambazo ni ukanda wa kaskazini na ukanda wa kusini(Northern & Southern hemisphere) Kijiografia maeneo ya ukanda wa *Ikweta* ndio maeneo pekee yenye sifa za mvua nyingi,ardhi yenye rutuba & misitu mikubwa na ya kijani( Evergreen forest) hii ni kwasababu ya hali ya hewa inayopatikana katika ukanda huu( high temperature) with high evaporations. Kwetu sisi Tanzania mstari wa Ikweta umepita jirani yetu hapo nchini Kenya, hivyo tulipaswa kuwa na misitu mingi sana mithili ya Congo Forest. Nchi zilizopo Northern Pollar & Souther pollar haziwezi kuwa na miti mingi kwasababu ya nature ya hali ya hewa. Nchi za pollar regions huona jua kwa nadra sana sio sawa na sisi. hivyo wao kuwa misitu mingi kama sisi ni changamoto. Pia wanachangamoto za barafu eg, nchi kama Iceland,Newzealand etc Sisi tuliopo Ikweta/ Karibu na Ikweta ndio tunapaswa kuwa na wajibu wakukabili ...
Read more

WASIFU BINAFSI JINA KAMILI: REHEMA SOMBI OMARY

Image
        Rehema Sombi Omary Mgombea UBUNGE VITI MAALUMU UVCCM kutoka Mkoa wa Singida. *WASIFU BINAFSI* *JINA KAMILI*: REHEMA SOMBI OMARY Jinsia:Ke Uraia :Mtanzania Kuzaliwa:07,March 1994 Lugha:Swahili,Kiingereza Anuani:S.L.P 809, Singida,Tanzania Barua Pepe : omaryrehema31@gmail.com *ELIMU* - Shahada ya Sayansi katika Uuguzi -Chuo Kikuu cha Mtakatifu Yohana-Shahada ya Uuguzi -Bwiru Girls high School-Cheti cha Elimu ya Sekondari ya juu -Kipata Girls Islamic High School-Cheti cha Elimu ya Sekondari -Utemini Primary School-Cheti Cha Elimu ya Msingi   -Ummu Salama nursery school- Cheti Cha elimu ya awali *UZOEFU KITAALUMA* -Afisa Muuguzi kitengo cha ICU/CCU hospital ya Benjamin Mkapa-Dodoma (2019-2020)  -Mafunzo Tarajali katika hospital ya The Benjamin Mkapa-Dodoma (2018-2019) -Mafunzo kwa vitendo hospital ya Rufaa ya Dodoma( 2016-2017) -Mafunzo kwa vitendo hospital ya Rufaa ya Singida (2015-2016) -Mafunzo kwa vitendo kituo cha afya Makole-Dodoma (2014-2015)   *UZOEFU WA UONGOZI KITAAL...
Read more

CHIFU SINGU MISSANGA ASIMIKWA KUWA KIONGOZI WA KABILA LA WANYATURU

Image
Na: Chifu Ahmed Missanga. Leo Tarehe 17/11/2021 imekuwa baraka Ihanja Wilayani Ikungi Mkoani Singida Amesimikwa rasmi Chifu Singu Missanga Senge Kuwa kiongozi wa Utemi wa UNYIKUNGU katika kabila la Wanyanturu. Hafla hii ya usimikwaji ilianza kwa Dua Maalum ilioyo ongozwa na Viongozi wa Dini Shekhe, Mchungaji na Viongozi wa Kimila ya Kknyaturu. Chifu Singu Missanga amesimikwa na Baraza la Wazee la ukoo wa Chifu Missanga Senge katika kabila la Wanyaturu na kushuhudiwa na Chifu Mkuu wa Ikungi Abraham Gwau. Akimwakilisha Jerry Muro Mkuu wa wilaya wa Ikungi, Katibu Tawala Wilaya Ndg. Dijovison Ntangeki amesisitiza Viongozi wa Kimila kuwa ndio nguzo ya Amani na uwajibikaji hivyo watumie nafasi hizo kusaidia kuelelimisha jamii kuacha Mila potofu, kuhamasisha  jamii kuenzi mila na tamaduni za Tanzania. Ikiwemo uhamasishaji  upendo, maridhiano, umoja na mshikamano wa taifa ikienda sambamba na kulingania tunu za taifa pamoja na upendo ili kuondoa ukiukwaji wa Hali za binadamu wenye vionjo vya ub...
Read more